కల్లుగీత కార్మిక సంఘం జిల్లా సోషల్ మీడియా కన్వీనర్లుగా ప్రవీణ్ గౌడ్, అర్జున్ గౌడ్ నియామకం

తెలంగాణ కల్లుగీత కార్మిక సంఘం (కేజీకేఎస్) జిల్లా సోషల్ మీడియా నూతన కార్యవర్గాన్ని జిల్లా అధ్యక్షులు బుర్ర శ్రీనివాస్ గౌడ్ ప్రకటించారు. హనుమకొండ జిల్లా సోషల్ మీడియా కన్వీనర్గా జనగాని ప్రవీణ్ గౌడ్ ను, మండల కన్వీనర్గా గోడిశాల అర్జున్ గౌడ్ ను నియమించారు.

సంఘానికి వారి సేవలు ఎంతో అవసరమని గుర్తించి, జిల్లా, మండల సోషల్ మీడియా కన్వీనర్గా బాధ్యతలు అప్పగించినట్లు శ్రీనివాస్ గౌడ్ తెలిపారు. ఈ నియామకాలతో సంఘం కార్యకలాపాలు మరింత విస్తృతం అవుతాయని భావిస్తున్నారు.

తమపై పూర్తి నమ్మకంతో బాధ్యతలు అప్పగించిన కేజీకేఎస్ జిల్లా కమిటీకి కృతజ్ఞతలు తెలియజేస్తున్నామని, శక్తివంచన లేకుండా సంఘం అభివృద్ధికి, గీత కార్మికులకు సేవలు అందిస్తామని, గీత కార్మిక సంక్షేమమే ధ్యేయంగా పనిచేస్తామని జనగాని ప్రవీణ్ గౌడ్, అర్జున్ గౌడ్ లు తెలిపారు. వీరి నియామకం గీత కార్మికులలో కొత్త ఉత్సాహాన్ని నింపుతుందని ఆశిస్తున్నారు.