ఇందిరమ్మ ఇండ్ల ఎంపికలో అవకతవకలు: ప్రజావాణిలో ఫిర్యాదు

పరండోలి గ్రామానికి చెందిన మాజీ ఉపసర్పంచ్ ఆడె గుణవంతురావ్, సోమవారం ప్రజా పరిషత్ కార్యాలయంలో ఏర్పాటు చేసిన ప్రజావాణి కార్యక్రమంలో ఈ ఫిర్యాదును అందజేశారు. గ్రామంలో ఇటీవల జరిగిన ఇందిరమ్మ ఇండ్ల లబ్ధిదారుల ఎంపికలో అర్హత లేని వారిని ఎంపిక చేశారని ఆయన ఆరోపించారు. గ్రామానికి చెందిన ఒక మహిళకు ఇప్పటికే పక్కా ఇల్లు ఉన్నప్పటికెరమెరి , ఆమె మట్టి ఇంటిలో నివసిస్తున్నట్లు అధికారులను తప్పుదోవ పట్టించారని గుణవంతురావ్ తన ఫిర్యాదులో పేర్కొన్నారు. గుడిసెల్లో నివసిస్తున్న పేదలకే ఇందిరమ్మ ఇళ్లు మంజూరు చేయాలని రాష్ట్ర ప్రభుత్వం స్పష్టమైన ఆదేశాలు జారీ చేసినా, ఈ నిబంధనలను పాటించలేదని ఆయన ఆరోపించారు.

ఇప్పటికే ఇల్లు ఉన్నవారిని అర్హులుగా ఎంపిక చేయడం వల్ల, నిజంగా ఇల్లు లేని పేదలు లబ్ధి పొందే అవకాశాన్ని కోల్పోతున్నారని ఫిర్యాదులో తెలిపారు. ఈ ఎంపిక ప్రక్రియ వల్ల అర్హులైన లబ్ధిదారులు నష్టపోతున్నారని ఆయన ఆవేదన వ్యక్తం చేశారు. ఈ ఫిర్యాదుపై గ్రామ స్థాయిలో సమగ్ర విచారణ చేపట్టాలని మాజీ ఉపసర్పంచ్ కోరారు. ఇల్లు లేని పేదలైన అర్హులకు మాత్రమే ఇందిరమ్మ ఇండ్లు మంజూరు చేయాలని, అనర్హుల ఎంపికను తక్షణమే రద్దు చేయాలని ఆయన విజ్ఞప్తి చేశారు.