*ఎల్కతుర్తి (ఆజాద్ తెలంగాణ) నవంబర్ 07
ఎల్కతుర్తి మండల కేంద్రంలో నూతన కోర్టు ఏర్పాటుకు, దాని నిర్వహణకు అవసరమైన 56 పోస్టులకు రాష్ట్ర కేబినెట్ ఆమోదం తెలిపింది. ఈ నిర్ణయంపై మండల ప్రజలు, కాంగ్రెస్ పార్టీ శ్రేణులు హర్షం వ్యక్తం చేశారు. ముఖ్యమంత్రి రేవంత్ రెడ్డి, మంత్రి పొన్నం ప్రభాకర్ చిత్రపటాలకు పాలాభిషేకం చేసి కృతజ్ఞతలు తెలిపారు.
ఎల్కతుర్తి మండల కేంద్రంలో నూతన కోర్టు ఏర్పాటు చేయడంతో పాటు, కోర్టు నిర్వహణకు అవసరమైన 56 పోస్టులకు రాష్ట్ర కేబినెట్ ఆమోదం తెలపడం పట్ల మండల ప్రజలు, కాంగ్రెస్ పార్టీ శ్రేణులు హర్షం వ్యక్తం చేశారు. ఈ సందర్భంగా ఎల్కతుర్తి మండల కాంగ్రెస్ పార్టీ అధ్యక్షులు ముప్పు శ్రీనివాస్ గారి ఆధ్వర్యంలో మండల కేంద్రంలో ఘనంగా కృతజ్ఞతా కార్యక్రమం నిర్వహించి, రాష్ట్ర ముఖ్యమంత్రి గౌరవ శ్రీ ఎనుముల రేవంత్ రెడ్డి గారి, రాష్ట్ర రవాణా మరియు బీసీ సంక్షేమ శాఖ మంత్రి గౌరవ శ్రీ పొన్నం ప్రభాకర్ గారి చిత్రపటాలకు పాలాభిషేకం చేసి తమ కృతజ్ఞతను చాటుకున్నారు.
ఈ సందర్భంగా ముప్పు శ్రీనివాస్ మాట్లాడుతూ, ఎల్కతుర్తి మండల కేంద్రంలో నూతన కోర్టు ఏర్పాటు కావడం మండల ప్రజల చిరకాల స్వప్నమని, ఈ నిర్ణయంతో ప్రజలకు న్యాయ సేవలు మరింత చేరువ కానున్నాయని తెలిపారు. అదేవిధంగా కోర్టు నిర్వహణకు అవసరమైన 56 పోస్టులకు కేబినెట్ ఆమోదం లభించడం ఎంతో సంతోషకరమైన విషయమని పేర్కొన్నారు.
ఎల్కతుర్తి మండల ప్రజల చిరకాల ఆకాంక్షను నెరవేర్చే దిశగా నూతన కోర్టు మంజూరుకు కృషి చేసిన ముఖ్యమంత్రి రేవంత్ రెడ్డికి, ప్రత్యేక చొరవ చూపిన మంత్రి పొన్నం ప్రభాకర్కు ఎల్కతుర్తి మండల ప్రజలు, కాంగ్రెస్ పార్టీ శ్రేణుల తరఫున హృదయపూర్వక కృతజ్ఞతలు తెలియజేశారు.
ఈ నిర్ణయం ఎల్కతుర్తి మండల అభివృద్ధిలో ఒక కీలక మైలురాయిగా నిలుస్తుందని, సామాన్య ప్రజలకు న్యాయ సేవలు సులభంగా, వేగంగా అందుబాటులోకి రావడానికి ఎంతగానో దోహదపడుతుందని అన్నారు.
ఈ కార్యక్రమంలో మార్కెట్ కమిటీ చైర్మన్ సుకినే సంతాజీ, ఎల్కతుర్తి సొసైటీ బ్యాంక్ చైర్మన్ ఎలిగేటి ఇంద్రసేన రెడ్డి, పీసీసీ సభ్యులు బొమ్మనపల్లి అశోక్ రెడ్డి, సొసైటీ బ్యాంక్ మాజీ చైర్మన్ గోలి రాజేశ్వర్ రావు, వివిధ గ్రామాల సర్పంచులు శ్రీకాంత్ రెడ్డి, సృజన, రాజు యాదవ్, గోలిపల్లి సంపత్, మార్కెట్ కమిటీ డైరెక్టర్లు, సొసైటీ బ్యాంక్ డైరెక్టర్లు, గ్రామ శాఖ అధ్యక్షులు, ఎల్కతుర్తి మండల యువజన కాంగ్రెస్ అధ్యక్షులు అంబాల శ్రీకాంత్, హింగే శ్రీకాంత్, మహిళా కాంగ్రెస్ నాయకురాలు శ్రీపతి లావణ్య, కాంగ్రెస్ పార్టీ సీనియర్ నాయకులు రామ్ సింగ్, బొల్లెపోగు రమేష్, శనిగరపు వెంకటేష్, మండల బీసీ విభాగం మాజీ అధ్యక్షులు నరేష్, సీనియర్ నాయకులు గోడిశాల యాదగిరి, అర్జున్ గౌడ్, మండల కాంగ్రెస్ పార్టీ సోషల్ మీడియా కోఆర్డినేటర్ అంబాల జగన్ తదితరులు పాల్గొన్నారు.
అలాగే ఎల్కతుర్తి మండలంలోని వివిధ గ్రామాల కాంగ్రెస్ పార్టీ నాయకులు, కార్యకర్తలు పెద్ద సంఖ్యలో పాల్గొని కార్యక్రమాన్ని విజయవంతం చేశారు.
